|
Pubblicata in data : 10/5/2010
Catarinehra
avìa 'a mamma
e qquattru fraticehri
'a mamma
partìa all'arba
pe 'a fatiga
e pprima nci dicìa
Catarinehra
t'arraccumandu
guarda i zzitehri
vidi ca sup' 'u casciabbancu
dassài nu pezz' 'e pana
stasira quandu vegnu
vi fazz' i tagghjatehri,
ihra 'a farina
'a tenìa ambucciata,
Catarinehra
tantu girijava
fina c'on hra trovava
e mberu menzijornu
nda pigghjava
sulu quattru junti
facìa i tagghjatehri
e nnita cu i zzitehri
s' 'i mangiava
e ddoppu
stujàtav ' 'u mussu
e ccittu
nci dicìa
ca si nnessunu parra
stasira quandu vena
'a mamma on sind'adduna.
chista è nna storia
'e 70ann'arredi
Catarinehra
era na cotrarehra
'e Vadulatu.
Autore
Nicolina Carnuccio
|
